Procedura digital nobo pa peticionnan di LOB entrante 1 di januari 2026
Entrante 1 di januari 2026, e procedura pa pidi informacion gubernamental ta cambia. Mester entrega e peticionnan pa informacion gubernamental basa riba e Ordenansa Nacional di Transparencia Administrativo (Landsverordening Openbaarheid van Bestuur, LOB) den forma digital for di e fecha aki.
Esaki mester tuma luga via e formulario electronico riba e website www.bid.aw. Cu e forma nobo di traha aki, gobierno kier garantisa un maneho transparente, uniforme y eficiente di e peticionnan pa informacion gubernamental.
Gobierno ta haya importante pa e procedura digital keda accesibel pa tur hende. E personanan cu tin mester di asistencia pa yena e formulario, of cu no tin acceso na internet of na un computer, por acudi na e loket digital di Bureau Interne Diensten (BID) pa asistencia. E trahadonan akinan lo ofrece e ayudo necesario pa e proceso cana debidamente.